Американскиот претседател Доналд Трамп е позитивен на COVID-19, пренесоа утрово светските новински агенции.
Исто така, присуството на коронавирусот е потврдено и кај првата дама Меланија Трамп.
„Јас и Меланија сме позитивни на коронавирусот. Ќе влеземе во карантин и процесот на заздравување почнува веднаш“, напиша тој на Twitter.
Трмп прво преку социјалната мрежа соопшти дека една од неговите најблиски соработнички Хоуп Хикс, со која најчесто патува, е позитивна и дека чекаат резултати за него и за првата дама.
„Ќе го надминеме ова заедно“, додаде Трамп.
Неговиот лекар соопшти дека претседателот ќе продолжи да ги обавува своите должности од самоизолација.
Трамп се зарази со коронавирусот еден месец пред одржувањето на претседателските избори во САД.
Тој е познат по тоа што од избивањето на пандемијата постојано ја минимизира опасноста од коронавирусот и имаше бројни контроверзни изјави во врска со вирусот и заштитата од него.