Холивудскиот актер Џорџ Клуни вчера итно бил пренесен во болница, објавија американските медиуми.
Лекарите му дијагностицирале панкреатит, односно воспаление на панкреасот, што може да биде опасно по живот.
Само четири дена пред да се врати на снимање на новиот филм „The Midnight Sky“, Клуни (59) бил итно пренесен во болница со силни болки во стомакот.
Клуни изгуби скоро 13 килограми за потребите на улогата во филмот. Тој верува дека диетата придонела за неговата болест.
„Мислам дека премногу се трудев брзо да ослабам и веројатно не се грижев добро за себе“, рече Клуни.
Покрај слабеењето за улогата, тој престана и да се бричи.
„Пуштив голема, грда брада. Син ми ја сакаше затоа што во неа криеше работи за кои не знаев дека се таму додека не отидев на работа. Сопругата и ќерка ми беа пресреќни кога се избричив“, додаде актерот.