Кошарка
ФИБА СВЕТСКО ПРВЕНСТВО КИНА 2019

Драма во две продолженија: Шпанија ја победи Австралија за пласман во финалето

13. септември 2019 - 12:58 | А.С.

Кошаркарите на Шпанија се првите финалисти на Светското првенство во Кина, по победата над Австралија со 95:88.

Шпанците имаа нешто подобар старт на средбата и се стекнаа со предност од пет поени (11:6), но Австралија брзо се врати и со неколку поени во низа ја анулираше предноста на Шпанците. По првите 10 минути резултатот на семафорот гласеше 22:21 за Шпанија.

Вториот дел подобро го одиграа кошаркарите на Австралија кои го држеа водството меѓу три и осум поени, а на полувреме резултатот беше 37:32 за Австралија.

Во второто полувреме публиката во арената Cadillac во Пекинг гледаше изедначен меч, а во самиот финиш имаше вистинска драма од која ниту една репрезентација не излезе победник, па полуфиналето имаше пет минути продолжение.

Во дополнителните пет минути имаше внимателна игра со многу промашувања во нападот, а и двете екипи постигнаа по девет поени, па мечот продолжи со второ продолжение.

Сепак, во второто продолжение Шпанија веднаш направи видлива разлика, стигна до водство од осум поени и ја зачува таа разлика за да запише победа што ги донесе во финалето на СП 2019.

Во вториот полуфинален меч од 14 часот играат Аргентина и Франција.

Коментирај