Кевин Дурент од Феникс Санс смета дека Џоел Ембиид заслужува признание за најдобар играч во лигата.
Во гостување во подкастот „Boardroom“ Дурент се изјасни дека центарот на Филаделфија е достоен за МВП наградата пред Никола Јокиќ и Јанис Адентокунбо.
„Не е дека му давам предност и симпатии затоа што не освоил (титула), но во изминатите две години игра на тоа неверојатно ниво. Што уште треба да направи за да биде МВП?“, рече Дурант.
Во корист на Ембиид често оди неговата извонредна игра во одбрана, особено во однос на Никола Јокиќ. Сепак, двократниот шампион со Голден Стејт не мисли дека се работи само за тоа.
„Не се работи само за одбраната. Едноставно, тој е доминантен, незапирлив“, смета Дурент.
Во изборот за МВП се најде и Дурент, кој по финалниот пресек заврши на 10. место.
Оваа сезона одигра 47 натпревари и имаше просек од 29,1 поен со пет асистенции и 6,7 скока.