Филипинскиот претседател Родриго Дутерте му рекол на рускиот претседател Владимир Путин дека на Филипините им треба „модерно оружје“ за борба против терористичката организација Исламска држава и дека очекува „руска поддршка“ за ова, пренесуваат светските агенции.
Дутерте исто така рекол дека мора да ја прекине посетата на Москва и да се врати во својата земја, бидејќи таму сѐ уште има борби со милитантите на Исламска држава.
Путин рекол дека се надева оти судирите на Филипини ќе бидат решени со „минимални загуби“. Тој исто така рекол дека постојат изгледи за економска и воена соработка помеѓу Москва и Манила.
