Во несреќа што се случи вчера загинаа двајца македонски рудари. Несреќата, како што велат од српската полицијата, се случила во рударското окно.
Несреќата се случила во рудникот „Леце“, близу Медвеѓа, во јужниот дел на Србија. Рударите од Македонија Т.Н. (48) и З.П. (53) најверојатно се задушиле од отровните гасови што настанале при минирање на еден дел од рудникот.
Еден од рударите, кој бил во иста смена со настраданите, изјавил дека македонските рудари не се повлекле навреме при минирањето и се задушиле.
По пронаоѓањето на рударите, лекарите од Здравствениот дом во Медвеѓа констатирале смрт.
Полицијата го разјаснува случајот, а на самото место е излезена и рударска инспекција.