Дознајте кои се двете прашања кои откриваат дали вашиот брак е осуден на пропаст и дали ќе трае.
Ако веќе сте во брак, веројатно или претпоставувате, или барем се надевате, дека личноста со која сте е вашата единствена, доживотна, вечна сродна душа. Меѓутоа, со текот на времето, во бракот се појавуваат несогласувања кои може да го уништат.
Леора Фридберг и Стивен Стерн, економисти од Универзитетот во Вирџинија во САД, спровеле истражување на 4.242 брачни парови како дел од Националното истражување на семејствата и домаќинствата - тие им поставиле две прашања и ја провериле состојбата на нивната врска шест години подоцна.
1. Колку сте среќни во бракот во споредба со тоа колку би биле среќни доколку не сте во брак?
Понудените одговори беа – многу помалку, помалку, исто, повеќе, многу повеќе.
2. Што мислите, како вашиот брачен партнер одговорил на тоа прашање?
„Идејата за љубовта е дека те прави среќен фактот што твојот сопружник е едноставно среќен. На пример, би можела да се согласам со тоа дека го правам поголемиот дел од домашните работи, што донекаде ја намалува мојата лична среќа, но тоа се компензира со сознанието дека мојот партнер има корист од тоа, односно дека е посреќен“, изјави Леора Фридберг и додаде дека тоа се чини дека многу парови не му придаваат значење на ова.
„Само 40,9 отсто од паровите кои учествувале во истражувањето успеале да предвидат што ќе каже нивниот партнер. Дури четвртина од испитаниците покажале сериозни разлики во перцепцијата на нивната среќа како брачен пар“, истакна таа.
Поголема е веројатноста да се разведат паровите кои признале дека нема да бидат помалку среќни доколку не се во брак или оние кои погрешно претпоставувале како нивниот брачен другар одговорил на првото прашање, пренесува Your Tango.
„Стапките на разводи беа повисоки кај оние кои велеа дека се понесреќни во бракот отколку што би биле ако не биле во брак, како и кај оние парови кои ја прецениле среќата на своите партнери“, објаснил Стивен Стерн.
