Многу е важно да се грижите за вашата телесна тежина за да избегнете некои од здравствените ризици.
Имено, дебелината го зголемува ризикот од опасни состојби како дијабетес тип 2, мозочен удар и срцеви заболувања. Здравите и постојани промени во животниот стил можат да ја задржат вашата тежина под контрола.
Докторот од „Харвард“, Вилијам Ли, открил дека постои состојка која доколку ја додадете во вашата исхрана, можете да го забрзате процесот на слабеење.
„Што ако ви кажам дека веројатно имате моќна состојка за согорување маснотии и за подобрување на метаболизмот во вашата кујна? Зборувам за циметот“, рече тој.
Додаде дека циметот има повеќе од 20 различни биоактивни супстанции кои можат да влијаат на метаболизмот.
Клиничката студија од Индија покажа дека циметот може да го подобри нивото на гликоза во крвта, да го намали обемот на половината, па дури и да го промени метаболичкиот синдром.
Студијата, објавена во 2017 година во списанието Lipids in Health and Disease, ги спореди ефектите од консумирање три грама цимет дневно во текот на 16 недели со земање плацебо.
Резултатите од студијата открија дека учесниците кои добиовале цимет изгубиле тежина и имале понизок крвен притисок, шеќер во крвта и холестерол на крајот од студијата.
