Ефикасноста на вакцините Pfizer и Moderna опадна од 91 на 66 проценти откако делта сојот стана доминантен во САД, покажуваат податоците кои ги објавија американските здравствени власти.
Податоците произлегуваат од студијата спроведена на илјадници вработени во центрите за нега и болниците во шест американски држави кои ја испитувале ефективноста на вакцината во реални услови.
Во периодот од декември 2020 и април 2021 година, ефикасноста на вакцините за спречување на инфекција со ковид беше 91 процент. Меѓутоа, во неделите кога делта сојот стана доминантен, ефикасноста на вакцините опадна на 66 отсто.
Падот на ефикасноста на вакцините против делта сојот е утврден во повеќе студии, иако се разликуваат точните податоци. Ова е уште една од причините зошто здравствените власти најавија дека од средината на септември ќе започнат вакцинирање со трета доза за сите возрасни Американци кои ја добија втората доза пред 8 месеци.
Делта сојот стана доминантен во САД на почетокот на јули.