Комичарката Ејми Шумер откри каква шега не смеела да каже за време на Оскарите, а се однесувала на инцидентот со Алек Болдвин за време на снимањето на филмот „Rust“ и смртта на снимателката Хајлин Хачинс.
За време на настап во Лас Вегас, Шумер, една од водителките на Оскарите, откри дека имало неколку теми и шеги кои ѝ било забрането да ги каже.
Меѓу нив имало шеги за Џо Роган, обвинувањата за сексуално вознемирување против Џејмс Франко и инцидентот со Болдвин на сетот на „Rust“.
Според пишувањата на странските медиуми, Шумер планирала низа контроверзни шеги.
„Сакам да ги започнам овие шеги за Оскарите со тоа што ќе нагласам дека мојот адвокат рече да не ги кажувам. Не кажувајте никому и не ми се лутете“, започна таа за време на настапот во Лас Вегас.
Актерката тогаш изјави дека не се осмелила ништо од тоа да каже на Оскарите, а на други им било дозволено да излезат на сцената и да удрат некого, алудирајќи на инцидентот со Вил Смит и Крис Рок.
Иако на Шумер не ѝ беше дозволено да се пошегува на сметка на Болдвин, ревидираната верзија на оригиналната шега сепак успеа да биде дел од нејзиниот монолог на доделувањето.