Видеозапис снимен од Кина покажува експлозија во Северна Кореја, објавија бројни медиуми денеска, додека еден од јужнокорејските медиуми објави дека имало истекување на природен гас што предизвикало смртоносна експлозија во понеделникот.
Западни медиуми засега не ја потврдија автентичноста на видеото кое досега го објавија Voice of America (VOA), Associated Press и порталот Daily NK од Сеул, што се занимава со ситуацијата во Северна Кореја.
Други јужнокорејски медиуми цитираат неименувани извори кои наведуваат дека имало неколку експлозии. Цитирајќи неименуван извор од Северна Кореја, Daily NK денеска објави дека до 15 лица загинале во експлозија и пожар што следувал во градот Хисан во провинцијата Јангганг, во близина на границата со Кина.
На видеото се гледаат пламени јазици над крошните на дрвјата и се слуша звук на експлозии.
Севернокорејските медиуми не го спомнаа инцидентот, а властите на Јужна Кореја соопштија дека засега не можат да ги потврдат извештаите.