Елон Маск не престанува да ја бранува јавноста со неговите коментари и мислења на речиси секоја тема и секој негов нареден твит предизвикува бура од реакции.
Со најновиот коментар, поврзан со епидемијата на корона вирусот, Маск предизвика бес кај јавноста.
Генералниот директор на SpaceX и Tesla на Twitter напиша дека паниката околу корона вирусот е глупост.
Во рок од само неколку секунди по објавувањето, твитот на Маск беше споделен 65.700 пати и доби 300.000 лајкови.
Меѓутоа, не беа сите одушевени и задоволни од ваквиот јавен коментар на влијателниот бизнисмен, коментирајќи дека Маск ја минимизира потенцијалната опасност на вирусот Covid-19, додека некои го бранеа дека твитот укажува на тоа дека Маск смета дека непотребната паника околу вирусот е глупост, а не самиот вирус, односно епидемијата.
„Да видиме колку време ќе помине пред да го избрише овој твит“, „Елон, ве сметав за човек кој се разбира од наука“ и „Маск, ова не ти требаше“ се само дел од коментарите на луѓето кои беа видно вознемирени од ставот на Маск.
Ова не е прв случај Маск да предизвика контроверзи со објави на Twitter. Преку оваа социјална мрежа тој има упатувано негативни коментари за Марк Закерберг и за Бил Гејтс.
