Европската медицинска агенција ЕМА соопшти дека разгледува три нови можни несакани ефекти од вакцините против коронавирус на компаниите Pfizer и Moderna, откако е забележан мал број на такви случаи.
Како што се наведува во соопштението, Одборот за безбедност на ЕМА ја проучува формата на алергиски реакции на кожата – мултиформен еритем и пореметување на работата на бубрезите – гломерулонефритис и нефролошки синдром.
РНК технологијата која е користена во овие две вакцини беше двигател во пандемијата на коронавирусот и за научната заедница поради високата ефикаcност, но во моментот кога сè повеќе и повеќе луѓе во светот се вакцинираат - ги следат ретките и несакани ефекти, пишува Reuters.
ЕМА минатиот месец откри поврзаност меѓу ретко воспаление на срцето и РНК вакцините, но заедно со СЗО оценија дека предностите на вакцината го надминуваат ризикот.
Сепак, недостасуваат податоци. ЕМА не наведе колку нови случаи и несакани ефекти се забележани по вакцинирање со вакцините на Pfizer и Moderna, но истакна дека побарала повеќе информации од овие компании за да ги испита нуспојавите.