Фудбалерот на Тотенхем, Емерсон Ројал ги коментираше промените во тимот по доаѓањето на тренерот Антонио Конте.
Антонио Конте веднаш по доаѓањето во Тотенхем воведе строги забрани кога станува збор за исхраната на фудбалерите. Најпогодени се најдоа љубителите на кечап, мајонез и путер, а јавно од таквите забрани јавно се пожали бразилскиот десен бек Емерсон Ројал.
„Сакам кечап! Но, навикнат сум да не јадам таква храна, па не ми е проблем. Путер! Го нема веќе ни путерот. Вистина е дека тој ја истакна важноста од контролирање на телесните масти и избегнување одредени видови храна. Никогаш порано не сум видел нешто слично. На почетокот беше неочекувано и малку тешко, но ова е важно за нашите настапи. Овие детали можат да направат разлика“, вели 22-годишниот Емерсон.
Тој на Тотенхем му се приклучи на последниот ден од август од редовите на Барселона. Тогаш тренер беше португалскиот стратег Нуну Еспириту Санту, кој добро ја почна сезоната, но потоа влезе во резултатска криза по која на почетокот на месецов на тренерската позиција ја презеде Конте.
Тотенхем по 12 кола во Премиер лигата е на 7. место со 19 бодови, дури 10 помалку од првопласираниот Челси.
