Во петокот, данскиот фудбалер Кристијан Ериксен беше пуштен од болница и веднаш отиде да ги посети фудбалерите.
Ериксен вчера го изненади тимот на Данска посетувајќи ги фудбалерите додека тренираа во кампот, пренесе ESPN. Тој се прегрна со нив, а фудбалерите признаа дека посетата била пријатно изненадување.
„Не знаевме дека ќе дојде, па кога пристигна веднаш престанавме со тренингот. Неговата посета ни донесе добра енергија во екипата. Имавме прилика да го прегрнеме и беше убаво да го видиме како шета со синот. Ова беше убав ден поради многу причини“, изјави Кристијан Норгард.
Ериксен беше пуштен од болница по операција, Интер ќе почека со одлуката околу останувањето во клубот.
Данска ги изгуби првите два натпревари на ЕУРО, од Финска со 0 : 1 и од Белгија со резултат од 1 : 2. На листата води Белгија со 6 бода и обезбеден пласман во осминафиналето. Русија и Финска имаат по 3 бода.
