Во текот на ноќта се одиграа само три натпревари во НБА лигата, а еден од нив беше вистинско уживање за кошаркарските познавачи.
Тоа беше дуелот меѓу Далас и Голден Стејт во кој Лука Дончиќ и Стеф Кари имаа епска пресметка.
Кари беше фантастичен со 32 поени, 5 скока и 5 асистенции, но маестралниот Дончиќ го надмина и тој учинок и му донесе победа на својот тим од 116:113.
Словенецот го заврши мечот со неверојатен трипл-дабл учинок.
Дончиќ на крајот имаше 41 поен, 12 скока, 12 асистенции и 4 украдени топки и на тој начин му помогна на Далас да ја прекине серијата од четири последователни порази.
На преостанатите два меча славеа гостите - ЛА Клиперс против Портланд со резултат 118:112, и Њујорк против Детроит 140:110.
Кошаркарите на Портланд го претрпеа десеттиот пораз сезонава на домашен терен од ЛА Клиперс.
Во возбудлив натпревар неколку пати екипите водеа наизменично, а на крајот заслужено славеа гостите.
Во редовите на Портланд, Анферни Симонс и Џерами Грант постигнаа по 37 и 32 поени.
