Едноставна и здрава чорба што ќе ве згрее и ќе ви помогне да го подобрите имунитетот.
Спанаќот е растение кое е многу богато со вода. Тоа има многу ниска калорична вредност, 2,2 % протеини, 3,9 % јаглехидрати и 0,5 % масти'. Спанаќот содржи:
- Фолна киселина – 50% од дневно препорачаната доза по оброк
- Витамин А-60% од дневно препорачаната доза по оброк
- Витамин Ц-35% од дневно препорачаната доза по оброк
- Железо-20% од дневно препорачаната доза по оброк
- Магнезиум-20% од дневно препорачаната доза по оброк
- Рибофлавин-15% од дневно препорачаната доза по оброк
- Калциум-10% од дневно препорачаната доза по оброк
- Калиум-15% од дневно препорачаната доза по оброк
- Витамин Б6-15% од дневно препорачаната доза по оброк
- Витамин Е-15% од дневно препорачаната доза по оброк
Спанаќот го подобрува работењето на срцето и функцијата на мускулите. Тој го потикнува функционирањето на панкреасот, а влијае врз намалување на крвниот притисок, со што го олеснува работењето на срцето и бубрезите. Спанаќот е вистински детоксикант за организмот го чисти токсините и ги буди сите забавени метаболички процеси. Спанаќот исто така влијае во јакнење на влакната на косата, јакнење на ноктите, а ја чува и одржува виталноста на кожата. Спанаќот го чува здравјето на нервниот систем, но исто така го засилува и чува имуниот систем, благодарејќи на високите количества на витамини кои ги содржи. Огромната количина на фолна киселина јасно укажува дека спанаќот треба да го јадат анемичните лица и бремените жени, спанаќот содржи и многу железо, па поради ова тој е делотворен без разлика за каква анемија се работи.
Спанаќот се јаде веднаш по приготвувањето , еднаш подготвен спанаќ не смее повторно да се подгрева. Не користете многу вода додека го готвите спанаќот, за да го зачувате неговиот квалитетен нутритивен статус.
Состојки:
- 950 мл вода
- 450 гр спанаќ
- морско оревче
- сол
- ореви
Подготовка:
Ставете вода во поголемо тенџере и кога ќе зоврие додадете го спанаќот. Гответе најмногу една минута.
Испасирајте го додека не добиете еднаква смеса. Додадете сол и малку морско оревче.
Супата можете да ја украсите со грубо исечкани ореви.
Добар апетит!