Специјалниот претставник на Соединетите Американски Држави за Западен Балкан, Габриел Ескобар, изјави дека на Косово му е сосема јасно дека не може да направи унилатерални потези и да го спроведе указот на Централната банка на Косово за забрана на српскиот динар и дека таквите потези би имале последици.
„Подготвени сме да помогнеме во решавањето на проблемот, но Србија и Косово мора да се вратат на дијалогот и да ги почитуваат постоечките договори“, изјави Ескобар за Танјуг.
Според американскиот претставник, многу од прашањата што ги оптоваруваат односите меѓу Србија и Косово би можеле да се решат со формирање заедница на српски општини на северот на Косово.
Ескобар вели дека САД целосно го поддржуваат дијалогот под покровителство на Европската Унија и вложуваат максимални напори тој да продолжи, како и дека дијалогот е единствениот канал за решавање на „билатералните прашања“.
„Зад тоа стојат нашата техничка и економска поддршка, како и нашето политичко влијание, бидејќи на крајот на денот, нашите најголеми аспирации се Косово и Србија да влезат во Европската Унија и во меѓувреме да развиваат мирни, продуктивни и ефикасни билатерални односи во меѓувреме“, рече Ескобар.
