Евролигата размислува за различни опции за последната фаза од сезоната 2019/20 и покрај пандемијата од коронавирусот. Според најновите информации, управата на Евролигата одредила четири дестинации од кои треба да се одбере каде да се одржи последната фаза. Тоа се Атина, Белград, Келн или Каунас.
Планот на Евролигата е да се одиграат останатите натпревари од регуларната сезона, а потоа најдобрите осум екипи да формираат Фајнл-8. Целата фаза мора да се одвива од 4 јули до 26 јули, а за да може да го стори тоа, „Еурохупс“ објави дека Евролигата бара од секој град да обезбеди најмалку две сали што ги исполнуваат потребните стандарди за одржување ваков значаен натпревар. На овој начин, календарот може да се заврши навреме.
Белград и Атина ги имаат потребните сали, но има проблеми со Каунас и Келн. Литванскиот град ќе мора да биде кодомаќин со градов Вилнус, а Келн ќе треба да соработува со блискиот Бон или Дизелдорф.
Одлуката на Евролигата ќе се дознае наскоро.