Европскиот суд за човекови права донесе одлука дека задолжителната вакцинација е легална и можеби е потребна во демократските општества.
Пресудата е донесена денеска и уследи по заклучокот на жалбата што чешките семејства ги доставија до судот поради задолжителната вакцинација на деца, пишува DW.
Родителите на децата од Чешка кои не беа примени во училиште бидејќи не се вакцинирани се обратија до Европскиот суд за човекови права, но судот донесе одлука дека задолжителната вакцинација е „неопходна во демократското општество“.
„Оваа пресуда ја зголемува можноста за задолжителна вакцинација во услови на моменталната епидемија на COVID-19“, изјави за агенцијата AFP, адвокатот Никола Ервије. Тој нагласи дека „слободата на проценка, судот им ја остави на државите во врска со прашањето за политиката за вакцинација“.
Судот го поддржува принципот на социјална солидарност што може да го оправда наметнувањето имунизација на сите, дури и за оние што се чувствуваат помалку загрозени од оваа болест(COVID-19), кога станува збор за заштита на најзагрозените лица.
