Столе Димитиревски, голманот на македонската репрезентација, од наредната сезона ќе има нов клуб. Трансфер инсајдерот, новинарот Фабрицио Романо, објави дека два врвни клуба од Шпанија се сериозно заинтересирани за Димитриевски.
„Имам информација дека Столе Димитриевски се наоѓа во плановите на Севиља и Виљареал за следната сезона. Двата клуба имаат одлично мислење за македонскиот голман“, напиша Романо на X.
Столе Димитиревски одлично ја започна сезоната, еден е од најдобрите играчи на Рајо Ваљекано.
Во саботата имаше неколку одлични интервенции, но не успеа да го спречи поразот од лидерот Жирона. Во претходното коло против Реал Мадрид беше прогласен за играч на натпреварот.
Неговиот договор со Рајо Ваљекано истекува во јуни 2024 година и како слободен играч ќе го напушти „Ваљекас“.
