Фудбал

Фановите бесни: Вратете ни ги парите, плативме за да го гледаме Роналдо

18. март 2019 - 17:00 | А.С.

Фановите и на Џенова и на Јувентус се бесни и бараат рефундирање на парите за влезниците за вчерашниот меч меѓу двата тима, бидејќи на теренот не излезе ѕвездата Кристијано Роналдо.

Тренерот на Јувентус и претходно најави дека Роналдо ќе одмора и нема да дојде на мечот од Серија А, откако постигна хет-трик против Атлетико Мадрид во рамки на ЛШ.

Според весникот „Corriere della Sera“, навивачите се јавувале во билетарницата на Џенова и барале да им бидат вратени парите бидејќи ги купиле влезниците за да го гледаат Роналдо.

Интересно е што покрај фановите на Јувентус, вакви реакции имало и од навивачи на Џенова кои сакале да го видат фудбалскиот великан.

Сепак, навивачите на Џенова имаа некаква утеха – нивниот тим ги совлада Јуве со 2:0 и ѝ го нанесоа првиот пораз на „старата дама“ оваа сезона во Серија А.

Коментирај