Постигнувањето на колективен имунитет против коронавирусот ќе бара да бидат вакцинирани меѓу 70 и 90 проценти од граѓаните, оцени главниот американски епидемиолог Ентони Фаучи.
Во интервју за New York Times, тој призна дека со текот на времето се зголемиле процените за процентот на население кое треба да се вакцинира за да се оствари колективен имунитет, откако претходно зборуваше дека тој процент е доволно да изнесува 60 до 70 проценти, пренесе Reuters.
„Кога истражувањата на јавното мислење покажаа дека само околу половина Американци би примиле вакцина, зборував дека за остварување на колективен имунитет би било потребно да се вакцинира 70 до 75 проценти од населението. Меѓутоа, кога новите истражувања покажаа дека треба да се вакцинираат повеќе од 60 проценти, помислив дека процентот треба да се зголеми, па подвлеков на 80, односно 85 проценти“, вели Фаучи.
Тој објаснува дека колку болеста е поинфективна, толку е потребен поголем степен на вакцинација за да се достигне прагот на колективен имунитет.
Според податоците на Американскиот центар за контрола и превенција на болести, од 14 декември се вакцинирале повеќе од милион граѓани или 0,3 проценти од населението.