Едно момче се обиде да влезе во кадар додека новинарка на Fox 5 снимаше прилог, но остана разочарно.
Новинарката на Fox 5 Џеклин Матер, на својот Twitter профил објави видео кое брзо стана хит на социјалните мрежи. За време на снимањето на прилог на улица, во еден момент зад неа се појавува момчето кое почна да вреска мислејќи дека се работи за пренос во живо и дека ќе биде на телевизија.
Новинарката само се врти и ладно му вели: „Не одиме во живо“, а момчето видно разочарано го напушта кадарот.
Момчето, иако не ја постигна зацртаната цел – да се појави на телевизија, сепак стана хит бидејќи видеото вирално се шири на интернет.
