Кошаркарите на Мајами Хит направија двоен брејк и поведоа со 2:0 во финалната серија од Источната конференција против Бостон Селтикс откако како гости славеа со 111:105.
Со голема серија од 23:9 на крајот од натпреварот, Мајами успеа негативата од девет поени да ја претвори во водство од 105:100 и истото да го задржи до крајот.
Повторно се истакна Џими Батлер со 27 поени, погодувајќи клучни поени во моментите кога натпреварот се пробиваше во финишот, а имаше и 8 скока и 6 асистенции.
Мартин Кејлеб постигна 25 поени, додека Бем Адебајо имаше дабл-дабл со 22 поена, 17 скока и 9 асистенции за Мајами, кој има шанса да стане само втората осмопласирана екипа на конференцијата која се пласирала во финале на НБА.
Џејсон Тејтум постигна 34 поени за Бостон, со 13 скока и 8 асистенции, додека Џејлен Браун додаде 16 поени.
Третиот натпревар е закажан за недела навечер, односно понеделник утрината во 2:30 часот по македонско време.