По вчерашниот убедлив триумф на Милан над Јувентус во Серија А со 4:2, италијанските медиуми имаат само пофалби за младиот хрватски фудбалер кој ги брани боите на „росонерите“ Анте Ребиќ.
Тој со еден погодок и една асистенција учествуваше во големиот пресврт на Милан во второто полувреме синоќа на Сан Сиро.
Gazeta delo Sport го прогласи Ребиќ за играч на натпреварот.
„Најмногу сака да е по левата страна, а всушност е сеедно. Кога ќе тргне кон голот или кога ќе влезе во шеснаесетникот, никој не може да го запре. Тој е клучен играч во налетот на Милан кој сега е петти на табелата. Сетете се само како изгледаше Милан пред само неколку месеци“, објави италијанскиот дневен весник.
Спортскиот новинар на Tele Lombardija истакна дека Ребиќ го ставил во втор план легендарниот Златан Ибрахимовиќ кој во јануари годинава се врати во Милан.
„Феноменот на Милан во последно време не е Ибра, туку чудесниот Ребиќ. Хрватот постигнува гол на секои 100 минути игра и токму тој е најконстантниот играч и најопасен напаѓач на Милан“, смета Фабио Равецани.
