Поранешен судија кој беше на чело на фудбалската федерација на Гватемала е првиот осуден во големата акција против корупција против ФИФА која ја спроведува САД.
Хектор Трухиљо (63) беше осуден на 8 месеци затвор поради мито и корупција.
Трухиљо ја призна вината уште во јуни и досега се чекаше за неговата официјална пресуда. Тој беше обвинет затоа што земал мито во висина од околу 175.000 американски долари од маркетинг агенции за да намести тендери.
Судијата му нареди на Трухиљо да плати парична казна од 415.000 американски долари.
Властите рекоа дека криминалот на Трухиљо не се смета за толку сериозен затоа што тој сепак не ги прекршил правилата на државата, туку само оние на ФИФА. Тој може да биде ослободен ако плати 4 милиони долари кауција.