Филипче: Бројките на заразени пациенти се апсолутно точни и истите ги споделуваме со СЗО

Венко Филипче одржа прес-конфереција во врска со новонастанатата ситуација со коронавирусот во нашата земја.

- Не треба да се има ниту најмал сомнеж дека не се споделуваат точни бројки. Бројките се апсолутно точни и ние тие официјални бројки ги споделуваме со официјалните претставници за СЗО и простор за манипулација нема ниту нема да има со една земја која комуницира со СЗО, потенцираше министерот Филипче.

Седум пациенти на инфективната клиника се во потешка здравствена состојба но дишат самостојно, 27 се средно тешки пациенти и 7 се со лесни симптоми. Стабилна и добра е состојбата и на пациентите во Штип.

Доколку некој здравствен работник се појавил на работно место свесен дека има симптоми, тука ќе следат санкции, нагласи министерот.

Во изминатите 24 часа се регистрирани 18 нови случаи на коронавирус во земјата.

По градови: Скопје (11), Прилеп (4), Куманово (2), Тетово (1).

Со ова, вкупната бројка на дијагностицирани пациенти со Covid-19 денеска до 12.00 часот изнесува 219 лица.

Според местото на живеење, досега случаи на Covid-19 се регистрирани во:

- Скопје (134)

- Дебар (43)

- Куманово (17)

- Штип (8)

- Прилеп (6)

- Охрид (3)

- Велес (3)