„Донесов одлука да го разрешам директорот на струшката болница“, изјави на денешната прес-конференција министерот за здравство Венко Филипче.
Тој додаде дека во текот на денешниот или утрешниот ден ќе биде именуван нов директор.
Министерот за здравство Венко Филипче вчера донесе решение за формирање Комисија за вршење на надзор на стручната работа на Општата болница во Струга, а во врска со дијагностиката и лекарскиот третман на пациентката Ј.В.
Значи, покрај одлуката за разрешување на Мухамед Асани, донесена е и одлука да се формира нова комисијата за случајот со родилката од Дебар, на која, како што изјави таа, по породувањето ѝ биле извадени три здрави органи.
На прес-конференцијата Филипче соопшти дека Комисијата за заразни болести не донела нови мерки за рестрикции.
„Се наоѓаме во екот на третиот бран, за еден месец бројката е зголемена за 5.000 заразени. Во болниците има околу 1.100 пополнети болнички места, притисокот во Скпје беше навистина голем. Според анализите, треба да остане оваа мерка, ќе даде резултати за 4-5 дена“, кажа Филипче.
Запрашан за вакцините на AstraZeneca, Филипче изјави дека се следи ситуацијата.