Сите тежнееме кон тоа да живееме здраво. Но, што всушност тоа значи? Фитнес инструкторката Лиjана Вард претставува свој реален план и идеја за здрав живот.
„Ако е нешто здраво не значи дека мораме тешко да дојдеме до тоа. Најчесто станува збор само за обични работи. И не се воопшто скапи ниту досадни. Ако се посветиме на подготовка на храна тоа може да биде подеднакво вкусно како кога јадете нешто полно со адитиви“, вели таа за „Daily Mail“.
Лијана верува дека правилото 80/20 е најблизу до вистинскиот начин за тоа како да се води здрав живот.
Тоа значи дека 80 отсто од времето треба да се придржувате до одредени правила, а остатокот од времето можете да уживате во нездравата храна. Тогаш можете да го изедете и омилениот колач, паста или нешто што содржи повеќе брашна и шеќери, во однос на она што се препорачува.
На својот Instagram профил таа редовно објавува постови и разбива митови и предрасуди, делејќи им совети на своите следбеници.
Според неа, ова се упатства околу тоа што всушност значи да се води здрав живот.
Подготовка на храна
Здравата храна исто така можете да ја подготвувате однапред, не мора секогаш се да биде подготвено во реално време. Ако немате многу време подгответе некоја храна до пола, па завршете го ручекот кога ќе имате повеќе време на располагање.
Благодарност
Ако сте задоволни, среќни и задоволни за се што имате тој ден, секој предизвик, насмевка, поздрав – тогаш слободно можете да кажете дека водите здрав живот.
Сепак, не е се во храната и материјалните работи.
Зборувајте
Зборувајте со вашите пријатели околу своите животни цели. Тоа ќе ве „крене“ и ќе го сфатите како некој вид на одговорноста која имате за цел да ја завршите.
Пронајдете се
Пронајдете го пристапот кој вам ви одговора и држете се до него. Не следете ги слепо трендовите кои постојано излегуваат, водете си ваш начин на живот.
Што е можно повеќе разновидна храна
Трудете се секогаш половина од порцијата да ви биде свежо овошје и тоа колку што е можно повеќе разновидно.