Бројот на извршени смртни казни во САД е намален во изминатите 20 години, но смртната казна уште е легална во 31 сојузна држава.
Во повеќето земји и разлнични сојузни држави каде има смртна казна, пред да бидат погубени затворениците имаат право да изберат специјален последен оброк по нивна желба.
Сепак има некои ограничувања, на пример во Флорида тој оброк не смее да чини повеќе од 40 долари и мора да биде зготвен локално.
Хенри Харгревјс, фотограф специјализиран за храна, лично не се согласува со идејата за смртната казна. Но, кога во 2011 година во државата Тексас беше укината можноста затвореникот да избере специјално последно јадење, почнал да истражува и станувал сѐ пофасциниран од оваа традиција.
„Навлегов длабоко во тематиката и најдов јавни записи за содржината на овие последни оброци. За првпат, овие луѓе стануваат очовечени“, изјави тој за Business Insider.
Во неговите серијали No Seconds и A Year of Killing тој ги истражувал последните оброци кои ги побарале затвореници осудени на смртна казна и ги фотографирал отпосле сценирани.
Треба да се напомене дека некои затвореници одбиле да побараат специјален оброк, па им бил даден стандардниот последен оброк за секој затвор посебно. Во еден затвор, тој оброк се состои од: јунешки стек, пржени јајца, колаче, тост со путер и желе, млеко и сок.
Некои затвореници одбиле да го изедат и приложениот последен оброк.