Играчите од македонската репрезентација до 19 години, целосно на своја иницијатива, денеска посетија и им поделија прехранбени и други неопходни продукти на четири семејства од околината на Чаир и Скопска Црна Гора.
„Момците од нашата младинска репрезентација наполнија само дел од полициите на четирите семејства, но срцата им беа целосно полни. Немојте да се оптоварувате со количините, секоја помош е добредојдена. Неколку килограми брашно, ориз, тестенини, килограм масло... шампон, средства за хигиена...итн. Не е важно колку, важно е да е од срце. Секоја помош е добредојдена!“, објави ФФМ.
Младите фудбалери своајта хуманост ја покажаа на дело и треба да послужат како пример за сите останати.
За самоиницијативниот потек на овие млади момци нема да трошиме многу зборови, фотките доволно говорат.
Фото: ФФМ
