Руската компанија Газпром најави дека ќе продолжи со испорака на гас преку „Турски поток“ откако ќе завршат работите на годишното одржување на овој гасовод.
Иако испораката на гас преку „Турски поток“ беше прекината одредено време, што многумина го протолкуваа како руски контрамерки на санкциите што Западот ги воведе кон Москва, Газпром посочува дека испораката на гас е прекината поради редовно одржување.
„Завршени се планираните работи за одржување на гасоводот Турски поток, кои се планирани да се изведуваат од 21 до 28 јуни. Транспортот на гас продолжи вечерва во 20 часот“, се вели во соопштението.
Русија испорачува гас на Турција преку два гасоводи преку Црното Море. Синиот тек беше пуштен во употреба на почетокот на 2003 година и има проектен капацитет да испорачува 16 милијарди кубни метри гас годишно.
Извозниот гасовод „Турски поток“ се состои од две линии, од кои едната е наменета за снабдување со гас на турските потрошувачи, а другата за снабдување со гас на земјите од јужна и југоисточна Европа.
Вкупниот капацитет на „Турски поток“ е 31,5 милијарди кубни метри, а започна со работа во јануари 2020 година.
