Американскиот милијардер Бил Гејтс откри каква ќе биде 2022 година.
Како што наведе, тој е оптимист за годината што е пред нас, но е загрижен за некои работи.
Во неодамнешната објава на неговиот блог, Гејтс напиша што мисли за крајот на пандемијата до развојот на метаверзум.
Меѓутоа, тој истакнува дека има еден проблем кој може да го загрози процесот, а тоа е бидејќи луѓето не им веруваат на оние коишто се на власт.
„Тоа е едно од прашањата кои најмногу ме загрижуваат додека полека пристигнува новата година“, напиша тој.
Гејтс истакна дека политичарите мора да бидат важен фактор за решавање на проблемите, како што се климатските промени и спречување на следната пандемија.
„Не може многу да се направи ако луѓето одбиваат сè што политичарите ќе кажат“, напиша американскиот милијардер.
„Ако луѓето не ви веруваат, нема да ги следат вашите правила за да излеземе од кризата“, додаде тој.
Гејтс вели дека дезинформациите во врска со коронавирусот се прошириле во САД и во светот и затоа е загрозена програмата за вакцинација и со тоа е одложен крајот на пандемијата.
