Германскиот виролог Хендрик Штрек смета дека ќе има втор, а потоа е и трет бран на зараза со COVID-19.
Вирологот, кој е професор и директор на Институтот за вирологија и Германскиот центар за ХИВ и СИДА, исто така нагласува дека општеството ќе мора да научи да живее и да функционира со вирусот.
Штрек во телевизиско гостување со група експерти, рече дека не очекува наскоро да се појави вакцина за коронавирусот SARS-CoV-2. Тој во блиска иднина не гледа напредок во развивањето вакцина, иако во овие напори се вклучени многу луѓе ширум светот.
Вирологот не е уверен во досегашните резултати во развојот на вакцина и лек за COVID-19. Токму поради тоа, вели тој, мора да научиме да живееме со вирусот.
„Мора да се помириме со тоа и да даваме сѐ од себе да се прилагодиме. Тоа конкретно значи дека ќе имаме постојани осцилации, што веќе се случува. Исто така секогаш мора да бидеме во очекување на нови жаришта“, објаснува еден од водечките виролози во Германија.