Ако сакаме може да го задржиме позитивниот дух, дури и кога сме принудени да бидеме во близина на негативни личности, без разлика дали станува збор за колеги од работа, блиски роднини или ситуации кои не може да ги избегнеме.
Постојат неколку начини како да излезете на крај со негативните луѓе:
1. Заштитите се себеси
Без разлика на тоа што го прават другите, секогаш може да ги контролирате вашите чувства и однесување. Може да се запрашате како да реагирате во одредена ситуација и што може да промените. Не можете да влијаете на туѓите реакции, но може да дадете ваш одговор.
Секој е одговорен за себе, а оној кој сака да нанесе штета на друг всушност си нанесува штета на самиот себе. Трудете се да се оградите од таа приказна.
2. Мислете на нешто што го сакате
Можете во тој момент да се присетите на нешто што секогаш ве смирува, без разлика дали станува збор за книга, милениче, дете, саканата личност. Почувствувајте ја таа љубов и позитивните вибрации кои никој не може да ви ги скрати.
3. Не ставајте сè на срце
Кога е некој негативен, сетете се дека можеби таа личност има многу лош ден, дека минува низ тежок период во животот или може носи во себе голема количина стрес и тага.
Не знаете што се случува со него, затоа е важно неговата реакција да не на сфаќате премногу лично.
4. Одговорете на убав начин
Уште една одлична тактика за соочување со тешки луѓе е тактиката на обратна ситуација. Кога некој се однесува негативно, обидете се да го направите спротивното.
Ако е песимистичен, бидете оптимистични. Ако некој вика, вие зборувајте со мирен тон. Ако некој ве критикува, вие пофалете го. Ако некој делува со омраза, вие одговорете со љубов.
Ако некој ве гледа попреку, вие љубезно насмевнете му се. Колку попозитивно одговорите, толку подобро ќе се чувствувате.