Катар е подготвен за Светското првенство на кое ќе биде домаќин на крајот на ноември и почетокот на декември годинава, а вчера и официјално беше објавено дека е подготвен и најмодерниот стадион во светот.
Стадионот „Lusail Iconic“ е најголемиот стадион во Катар, со капацитет од 80.000 седишта и ќе има голема улога во првенството.
Трибините имаат брановиден изглед, а се составени од два ката. Посебен е и покривот, може да се затвори, а стадионот е опремен со клима, што на фудбалерите ќе им го олесни одигрувањето на натпреварот на високи температури. По Мундијалот, планирано е Катарците да го пријават Lusail таму да се играат финалните натпревари од Светското клупско првенство.
Освен тоа, го сакаат и финалето во азиската Лига на шампиони, а стадионот е повеќенаменски, па не е исклучено таму во иднина да гледаме некој ракометен или кошаркарски спектакл. За време на Светското првенство на споменатиот стадион ќе се одиграат десет натпревари:
- Аргентина - Саудиска Арабија
- Бразил - Србија
- Аргентина Мексико
- Португалија - Уругвај
- Саудиска Арабија - Мексико
- Камерун - Бразил
- натпревар од осминафиналето
- четвртфинален натпревар
- полуфинален натпревар
- финале