Кошаркарите на Голден Стејт Вориорс се пласираа во финалето на плејофот во НБА лигата, откако ги совладаа Далас Маверикс со 120:110 во петтиот натпревар од финалето на Истокот и победија со 4-1 во серијата од четири победи.
Така Вориорс стигнаа до големото финале во НБА лигата по шести пат во последните осум години, а славеа три пати во последните пет финалиња (2015, 2017 и 2018 година).
Во големото финале ќе игра против Бостон Селтикс или Мајами Хит, а моментално Бостон води со 3-2.
Вориорс уште од самиот почеток на синоќешниот натпревар јасно ставија до знаење дека сакаат да ја прекинат серијата пред своите гледачи, па кон средината на третата четвртина побегнаа на +25 поени предност (87:62).
Далас потоа се врати со серија 15-0 на само осум поени минус (92:84), но следеше одговор од Вориорс кои отидоа на +17 (103:87) и немаше враќање назад за гостите.
Најдобар стрелец кај победничкиот тим беше Клеј Томпсон со 32 поени, а Ендрју Вигинс додаде 18 поени и 10 скока.
Во поразените редови најефикасен беше Словенецот Лука Дончиќ со 28 поени, додека Спенсер Динвиди имаше 26.