Продажбата на автомобили во Европската Унија значително порасна и во јуни, како одраз на слабите резултати од минатата година поради недостигот на делови, се вели во денешниот извештај на Европското здружение на производители на автомобили (ACEA).
Во јуни, повеќе од еден милион нови автомобили биле регистрирани во 26 земји на ЕУ, без Малта, за 17,8 отсто повеќе отколку во истиот месец минатата година, соопшти ACEA.
Во мај продажбата скокна за 18,5 отсто. Високите стапки на раст одразуваат ниска споредбена основа во 2022 година, кога резултатите беа првенствено погодени од недостигот на делови, објаснува ACEA.
Меѓу водечките пазари се издвои Германија со раст на продажбата од 24,8 отсто. Следат Шпанија и Франција, каде што забележа раст од 13,3 и 11,5 отсто, соодветно.
Меѓу големите земји, само Италија забележа едноцифрена стапка на раст од 9,1 отсто.
