Јавните тоалети сигурно не се ничиј прв избор. Но, понекогаш едноставно не можеме да избегнеме да ги користиме.
Ова, се разбира, се однесува на ситуации кога сме надвор долго време, или кога патуваме некаде.
При користење на јавни тоалети многумина се плашат од заразување со сексуално преносливи болести. Сепак, д-р Прити Дениел вели дека тоа е речиси невозможно.
„Поверојатно е да ве удри гром додека јавате свиња што лета, отколку што ќе добиете сексуално пренослива болест во јавен тоалет. Ве молам, не грижете се“, порачува таа.
Единствените болести што можете да ги соберете од јавните тоалети се ешерихија коли и салмонела, но има една работа што многумина ја прават, а таа е многу поопасна од сите болести.
Имено, додека се обидувате да извршите нужда и лебдите над тоалетот за случајно да не го допрете, постои поголема шанса да добиете инфекција на уринарниот тракт.
„Многу луѓе брзаат да извршат нужда што е можно поскоро, а тоа може да доведе до инфекција на уринарниот тракт, бидејќи ако не го испразниме целосно мочниот меур, го изложуваме телото на опасни бактерии“, објаснува д-р Дениел.
Таа советува дека кога користите јавен тоалет најважно е добро да ја „завршите работата“, а потоа да ги измиете рацете со сапун и, ако е можно, да користите и средство за дезинфекција.