Најпопуларниот модел на Volkswagen станува сè побарана стока на бројни аукции.
Откако бевме сведоци на купувањето на Golf „двојка“ за неверојатни 87.000 долари, беше само прашање на време кога тој рекорд ќе биде соборен. Не помина долго, а рекордната сума отиде кај motorcar_collector, кој понуди неверојатни 104.000 долари.
Работите не стануваат појасни кога ќе кажеме дека е Golf „четворка“, па дури и кога ќе откриеме дека е R32. Сепак, информацијата дека овој автомобил од почетокот на милениумот поминал само 150 километри го прави навистина посебен.
Се продаде преку платформата Bring a Trailer, со огромна галерија и сите информации, па навистина изгледа како вистински колекционерски предмет. Во препознатливото издание со сина нијанса и 18-инчни бандажи, има и аудиосистем Monsoon.
И за крај, да потсетиме дека R32 го придвижува VR6 мотор со 241 КС, што во комбинација со погон на сите тркала е доволно за спринт до 100 км/час за 6,6 секунди. Во случај кога наместо шестстепен мануелен менувач е опремен со менувач со две спојки, и спринтот е пократок, само 6,4 секунди.
Овој автомобил го поминал речиси целиот свој живот во салоните за автомобили. Во 2020 година го купил сегашниот продавач, кој очигледно заработи богатство на голфот.