По цели 13 години Лацио е назад во најквалитетното друштво, а по тој повод УЕФА со видео од најубавите голови на овој клуб досега, му посака топло добредојде.
Хуан Себастијан Верон, Роберто Муци, Синиша Михајловиќ, Ернан Креспо, Калудио Лопес, Стефано Фјоре, Џузепе Фавали... еден куп легенди со прекрасни голови, а меѓу нив и нашиот Горан Пандев.
УЕФА направи листа на 10 најубави голови на Лацио постигнати во Лигата на шампионите. Голот на Пандев беше токму во последната сезона кога клубот од Рим настапуваше во Лигата на шампионите, во сезоната 2007/08. Да, дури оттогаш Лацио нема настап во најквалитетното клупско натпреварување на Стариот континент.
Таа сезона Лацио не се прослави, испадна уште во фазата по групи во која беше со Олимпијакос, Вердер и великанот Реал Мадрид.
Со „Кралскиот клуб“ одигра еден незаборавен натпревар на „Олимпико“ кој заврши 2:2, а во кој блескаше токму Пандев постигнувајќи ги двата гола за „Бјанкочелестите“.
Се играше 32. минута кога Гуљелмо Стендардо одлично му сервираше на Македонецот, а тој со одлична полна ја смести топката зад грбот на Икер Касиљас. Тој гол за УЕФА е меѓу топ 10 најубави голови на Лацио постигнати во Лигата на шампионите.
Потоа Реал уште еднаш поведе, а Пандев на 15 минути до крајот се погрижи Шпанците да не си заминат дома со трите бода.
Лацио со само 5 бодови заврши последен во групата, а Пандев постигна уште два гола, по еден на Олимпијакос и на Реал во реваншот на „Сантјаго Бернабеу“.