Грашокот во бешамел сос може да се подготви за 15 минути, а одлично оди како прилог со месо.
Грашокот е мешунка која често се наоѓа на нашето мени. Некои луѓе баш и не го сакаат јадењето, а меѓу нив најчесто се децата. Сепак, вака подготвениот грашок ќе го задоволи сечиј вкус. Според овој рецепт грашокот се динста во бешамел сос. Одлично оди со месо, но и со паста.
Потребни состојки:
- 60 гр путер
- 2 лажици сечкан кромид
- ¼ чаша брашно
- сол по вкус
- бибер по вкус
- прстофат рендано морско оревче
- 450 гр одмрзнат грашок
- 3 чаши млеко
Подготовка:
Загрејте тава на средна темпертура, а потоа додадете го путерот. Кога путерот ќе се растопи, додадете го исечканиот кромид. Убаво измешајте, па постепено додавајте го брашното. Соединете ги состојките, па додадете малку бибер и морско оревче. Постепено сипете го млекото, постојано мешајќи го сосот. Посолете по вкус, а потоа додадете го грашокот и измешајте. Оставете го грашокот да се крчка во бешамел сосот 5-10 минути.
