Да го уништиме нуклеарното, хемиското и биолошкото оружје пред да нѐ уништаи нас, изјави генералниот секретар на Обединетите нации (ОН) Антониу Гутереш.
Упатувајќи порака по повод 5 март, Меѓународниот ден на свеста за разоружувањето, Гутереш истакна дека глобалните воени трошоци достигнале рекордно ниво.
Тој истакна дека оваа ситуација го зголемува ризикот од конфликт поради зголемената несигурност и глобалните конфликти на меѓународната сцена.
Нагласувајќи дека инвестирањето во мир, разоружување и неширење е инвестиција во нашата заедничка иднина, Гутереш порача: „Да го уништиме нуклеарното, хемиското и биолошкото оружје пред тоа да нѐ уништи нас“.
Генералниот секретар на Светската организација истакна дека овие видови оружје и натаму претставуваат закана за човештвото.
