Тренерот на Манчестер Сити, Пеп Гвардиола, не го следеше финалето на Лигата на нации, туку беше на финалето на шпанското кошаркарско првенство помеѓу Реал Мадрид и Барселона.
По натпреварот, Гвардиола даде интервју за Радио Каталуња во кое се осврна на изминатата сезона, но ги искажа и своите ставови за иднината.
„Не сакам да бидам Алекс Фергусон во Сити и да поминам 25 или 28 години во клубот.“
Тој вели дека фудбалот се сфаќа многу посериозно во Шпанија отколку во Англија.
„Кога има натпревар, тоа е една работа, но во текот на неделата во Манчестер нема да видите ниту еден новинар. Секој ден е многу помирен отколку во Шпанија. Порелаксирано е“.
Тој ги коментираше и критиките.
„Се обидов да не се грижам премногу, но тие се неизбежни. Мора да го прифатиме. Ако не сакаш да ги прифатиш, ќе мора да работиш напорно за за да преживееш, како татко ми“.