„Hernán“ - мексиканска историска серија за падот на Ацтеките

Немате идеја за гледање нова серија? Еве еден наш предлог.

Се работи за шпанско-мексиканска копродукција, но е далеку од сапуница. Историска драма за шпанскиот освојувач Ернан Кортес и падот на империјата на Ацтеките.

Поводот за снимањето на серијата е 500-годишнината од падот на Теночтитлан (во 2021 година), главниот град на Ацтеките или денешен Мексико Сити. Првата сезона беше емитувана во ноември на History Latin America и брои 8 епизоди. Втората почна да се снима во јануари. Серијата е на шпански, маја и науатл јазиците и глумат глумци од Шпанија и Мексико меѓу кои и оние со домородно потекло.

Каталонецот Оскар Жаенада ја има главната улога на Ернан Кортес, Мексиканецот Дагоберто Гама го глуми императорот Моктезума, неговиот сонародник Хорхе Антонио Гереро го игра принцот Шикотенкатл, а Ишбел Баутиста ја игра локалната девојка Малинцин која му станала сопруга на Кортес.