Пред четири години, Усман Дембеле пристигна на „Камп Ноу“ од Борусија Дортмунд во трансфер вреден дури 140 милиони евра плус бонуси кои полека стигнуваат за наплата.
Барса вечерва игра против Алавес, а доколку Дембеле одигра и една секунда, каталонскиот клуб ќе мора да му исплати на клубот од Дортмунд дополнителни пет милиони евра на сметка на бонусот што беше вклучен во договорот кога Французинот се пресели во Каталонија.
Имено, беше договорено Барселона да мора да ѝ плати на Борусија пет милиони евра доколку Дембеле одигра сто натпревари за Барса.
Французинот досега одигра 99 натпревари, на кои постигна 25 гола и забележа 20 асистенции.