Скоро секој маж гледа порно, но во последните години во пораст е бројот на жените кои сакаат да гледаат порно филмови. Според неодамнешни истражувања, скоро третина од гледачите на PornHub и на xHamster се жени, а бројот на женската публика расте, пишува DW.
Скорешна студија од психологот Шон Мекнебни и неговите колеги од Универзитетот Валпараисо во САД покажа поврзаност меѓу женската сексуалност и порнографијата. Во нивното истражување учествувале повеќе од 2.400 жени од САД и од Унгарија, кои одговарале на прашање како порното влијае на жените врз нивното сексуално задоволство и љубовната врска.
Резултатите покажале дека жените кои гледаат порнографија се помлади и подобро едуцирани. Сличен резултат покажа и истражување на xHamster во кое учествувале 100.000 луѓе. Околу 33.8% од жените кои гледале порно биле на возраст меѓу 18 и 24 години. Околу 60% од жените изјавиле дека гледањето порно филмови им го подобрува сексуалниот живот.
Дали зголемениот интерес на жените за порнографијата се должи на општествените вредности на западната култура и општеството бавно се оддалечува од стереотипите?
Еволуцискиот биолог Томас Јункер вели дека одговорот не се крие во општеството, туку во биологијата. Тој смета дека жените не го присвоиле машкото однесување кон порнографијата, туку дека има промени на порнографскиот пазар на филмови. Истовремено, и многу списанија веќе отворено пишуваат за женската сексуалност, а на пазарот се појавија и феминистички порно филмови, кои не постигнаа голем успех.
Но едно е јасно, каков вид порно филм сакате да гледате зависи од личниот вкус и од вашите желби и фантазии, а не од вашиот пол, смета Мадита Оминг од германскиот Универзитет Падерборн.
Да се вратиме на биологијата, Јункер вели дека мажите и жените имаат различни стандарди кога станува збор за селекција на партнерот, односно имаат различни фокуси. Затоа имаат и различен пристап кон порно филмовите.
Мажите повеќе одговараат на визуелни стимулации како форма на телото, лицето и здравјето. Сакаат млади партнерки кои можат да раѓаат деца и се фокусираат на работи кои се јасни и лесно видливи.
Жените, од друга страна, повеќе реагираат на допири или говор. Сакаат одговорен партнер кој ќе им помага и ќе се грижи за децата.
Ова е причината зошто мажите повеќе гледаат порно филмови, Јункер вели тоа е дел од нашата биологија.
