Златан Ибрахимовиќ не престанува да ги одушевува неговите фанови од целиот свет, а особено оние од Балканот.
На своите 45 милиони следбеници на Instagram Ибра синоќа им приреди ретко изненадување – фотографија од детството со порака: „Балкански корени“.
Ибра е очигледно горд на своите корени, а тоа го покажа вчера, откако стана јасно дека од сите балкански земји, на ЕУРО 2020 се пласираа само Македонија и Хрватска.
Легендата на Милан на фотографијата позира со еден дедо, а судејќи по амбиентот во позадина и облеката на дедото, фотографијата е снимена во задарскиот крај.
Златан е роден во 1981 година во Малме, Шведска, како син на Бошњакот Шефик Ибрахимовиќ, емигрант во Шведска, и Јурка Гравиќ, која е со потекло од Хрватска. Неговиот татко е од Бјелина, Босна и Херцеговина, а неговата мајка e од мало село близу Задар, Хрватска.
Ибрахимовиќ израснал во населбата Розенград во Малме, позната по имигрантските заедници, заедно со неговите три сестри и двајца браќа. Ибрахимовиќ почнал да игра фудбал на возраст од шест години во два фудбалски клуба, ФК Босна и ФБК Балкан. Во едно интервју изјавил дека младиот тим на Балкан на еден натпревар губел со 4 – 0 на полувреме, но кога тој влегол во игра во второто полувреме постигнал 8 голови. Во тинејџерските години му се приклучил на малдинскиот тим на Малме каде бил стандарден играч.