Долго време се шпекулираше за враќање на Златан Ибрахимовиќ во фудбалската репрезентација на Шведска, а сега е време и официјално да се потврди тоа, објави шведскиот весник FotbollDirekt.
Шведските медиуми објавија дека имаат потврда од повеќе извори дека Ибрахимовиќ ќе се најде на следната листа на Јан Андерсон за пласман на Светското првенство во Катар.
Така, Златан ќе има право да игра на натпреварите против Грузија, Косово и Естонија во првиот репрезентативен циклус, кој е закажан за крајот на овој месец.
Ибрахимовиќ не игра за националниот тим од ЕУРО 2016 година, а на 116 настапи за националниот тим постигна 62 гола, најмногу во историјата на Шведска.